Valmeeki Ramayan aadi maulik kavy hai. Ramayan ki kathao ka mool srot hai. Usi ke aadhar pr vividh bhashao tatha desho me Ramayan ki rachnaye ki gyi hai. Ram ki gatha ko bharatiy jeevan se alag krna aatma aur kaya ko ek-dusre se bhinn krna hoga. Kashi me janm-bhumi hone ke karan Ramayan aur usaki gatha ke prati abhiruchi hona mere liye svabhavik hai. Kashi ke bhinn-bhinn sthano me Ramleela ek mas tk hoti hai. Ramleela ke vatavaran se aashvin mas bhar uthta hai. Mai balykal me kisi-na-kisi patr ka rup bnta tha, kbhi vanar bnta tha, to kbhi rakshas. Bde hone pr Ramleela ke aayojan me bhag lene lga.
Ramayan keval kavy nhi hai. Valmikiy, Tulasidas krt athva kisi bhi bhasha me vah pratyek Bharatiy grhasth ki pujy samagri hai. Uttar Bharat me ghar ki mahilaye Tulasikrt Ramayan padhti hai. Unke liye vah bodhgamy hai . Ve apne aangan ke chira pr Tulasi ki puja krti hai, diye jlati hai. Narayan ke charano me aatm-samrpan krti hai. Bhagwan bhaskar ko pranam krti hai. Striya Tulasichaura, athva bhagwan athava Hanuman ji ki murti, chitradi ke sammukh baith kr Ramayan pdhti hai. Naivedy sammukh rkha rhta hai. Shishu tatha balak-balikaye chupchap prasad pane ki aasha me komal nari-hrday ki pavitr vani sunti rhti hai.
| Writer | Raghunath Singh |
| Book Language | Hindi |
| Book Size | 12 MB |
| Total Pages | 342 |
| Category | Religious - Hinduism |