Rashmirathi ( रश्मिरथी ) Hindi – Ramdhari Singh Dinkar (रामधारी सिंह दिनकर)

Rashmirathi, jiska arth ‘ Suryakiran rath ka swar ‘ hai. Hindi ke mhan kvi Ramdhari Singh Dinkar ke dwara likhi gyi ek khndkavy hai. Yah 1952 me prakashit hua tha jisme 7 srg hai. Isme kvi Ramdhari Singh ji ne Karn ke chritra ke sbhi paksho ka varnan kiya hai. Rashmirathi me Dinkar ji ne Karn ko Mahabharat ke natkiy rup se upr utha kr Naitikta aur Vishvasniyta ki nyi bhumi pr khda kr uske charitra ko garv se bhr diya hai. Rashmirathi me Dinkar ji ne karn ke sare rishto ko ek nye rup me pesh kiya hai.

Yuddh bhumi me manushya ke uche guno ke prti ek lalak kavy hai ‘ Rashmirathi ‘ .  Rashmirathi hme yah sandesh deta hai ki kisi bhi manushya ki pehchan uske vansh se nhi blki uske karmo se hoti hai. Rashmirathi yah bhi sandesh deta hai ki najayaj janm se karm ki vaidhta kbhi khtm nhi hoti. Apne krmo se manushya mrne se pehle ek aur jnm leta hai.

  • Samiksha

Hindi ke Chhayavad yug ki aneko uplbdhi me Dinakar aur Bchchan hai. Hindi ke samany pathko me bhi Dinakar ki aalochak kvitao ne nyi ruchi aur nav utsah ka sanchaar kiya. Unki kvitao ka prdhan svar anyay ke liye gusse ka hai. Smaj me sansthagt ho chuke anyay ke prti aakrosh ki abhivyakti ke liye Dinakar ko aise nayk ki tlash thi jo udatt charitr-sampann hone ke atirikt prakrmi shurveer ho. Mahabharat ke karn me unhe manas prikalpit nayak ka smroop mil gya.

Ojasvee kvita ki rchna krne vale Dinakar ka mn tejsvi karn ke vyaktitv se sarlta se hi abhibhut ho gya. Vaiyktikta ka nishedh krne vali varn vyavastha prati karn ke jeevan ke sangharsh ki suruaat uske bachpan se ho jata hai. Karn ke andar ek mhan yoddha hone ki sambhavna uske bachpan se hi uske andr maujud thi. Is smbhavna ko vinash krne ki ek nakam koshish Dronacharya dvara karn ko shishy rup me asvikar kiya jana thi. Prntu karn to mrusthl ki vnspati jesi jine ki ichha lekr janma tha, jo ret se bhi nmi sokh lete hai.

Us samay me rishiyo ka manna tha ki gyan pr kevl brahmno aur kshtriyo ka adhikar hona chahiye. Kshudra jatiyo tk gyan ka vistar nhi hona chahiye. Isi tarah karn apne ap ko kshatiry bta kr gyan ki prapti kr lete hai lekin Parshuram ke samne apne pehchan chhupate hai. Karn ka yah jhuth us samay ke krur sch ke samne kuchh bhi nhi tha. Fir bhi karn ko shap diya gya.

  • Ramdhari Dinkar ji ka sandesh

Ramdhari Dinkar ke shbdo me, ” Manushya keval usi pd ka adhikari hona chahiye jo uske samarthy se suchit hota hai. Us pd ka nhi jo uske Mata – Pita ya vnsh ki den hai. Isi prkar vyakti apne niji guno ke karn jis pd ka adhikari hai vah bhi isme koi badha nhi dal skenge. Karn-charitra ka uddhar ek trh se nyi bhavna ki sthapna ka hi pryas hai.

  • Ramdhari Dinkar ji ke Anusar

Ramdhari Dinkar ji ke anusar Karn ka dalit aatma gaurav yauvan kal me Arjun ko chunauti dene k bahane puri vyavashta ke jad primano ko chunauti deta hai.

                                      Tune jo-jo kiya, use mai bhi dikha skta hu
                                     Chahe to kuchh nyi klae bhi sikha skta hu.

Karn ke jatiy prichaya ki aad me kripachary dvara jb vaiyktikta ke udghosh ke svar ko shmit krne ka punah pryas hota hai to Karn ka snchit akrosh fut pdta hai-

                                     Jati-jati rtte, jinki punji keval pakhnd,
                                    Mai kya janu jati? Jati hai ye mere bhujdand.
                                    Pdho use jo jhlk rha hai mujhme tej prkash,
                                    Mere rom-rom me ankit hai mera itihas.

Apni kshudh pr vijay prapt krne vala atmabli to hai, kintu dusro ki kshudhagni shant krne ke liye dan dene vaala adhik atmabli hai. Karn aise aneko atmabliyo me se ek tha. Devraj indr ki kpt mansha ko bhanp kr bhi unhe nihshank krne ke liye vah kehta hai :

                                   Viprdev mangiye chhod snkoch vstu mnchahi,
                                    Marun ayash ki mrtyu kru ydi ek bar bhi nahi.

Karn ka yah janbujhkr ‘chhla jana’ uske charitr ko aur ujjval bnata hai.

                                     Jeevan dekr jay khridna, jag me yhi chalan hai,
                                     Vijay – dan krta na pran ko rkhkr koi jan hai,
                                     Mgr, pran rkhkr pran apna aaj palta hu mai,
                                     Purnahuti ke liye vijay ka havan dalta hu mai.

Karn ki is veerta ko dekhte hue Indra kafi prasann ho jate hai aur Ekaghni dene ke liye majbur ho jate hai.

  • Karn-Kunti Prasang

Karn – Kunti prsng me Dinkar ne Karn ko upekshit putr ki bhumika me rkha hai. Mata ki kthor upeksha ke karan Karn lanchhan bhra abhishapt jeevan jine ke liye majbur ho jata hai. Is prsng me mata dvara aprtyashit sneh ke prdrshn pr uska snchit vikshobh fut pdta hai. Prntu Karn to svabhavth hi udar mna hai jiska neh sb pr hai aur jiski dya sbke prti hai. Fir jnani ke prti vh kb tk kathor reh skta tha. Karn mitr – dhrm ke nirvah ke arth Arjun ko chhod shesh smst bhaiyo ko yuddh me nhi marne ka vilkshn snklp krta hai.

Dan ke atirikt krtygyta bhi shreshth purusho me payi jati hai. Mangi gyi shayta bhi uchit samay pr kiye jane pr amuly ho jati hai, fir Duryodhan ne to rngbhumi me vyangy ke tikshn bano se har karn ko ubarne ke liye use ang pradesh ka raja hi ghoshit kr diya. Krtigyta aur mitr ke prti prem se vasibhut hokr hi Karn Kunti ke anurodh ko thukrata hua kehta hai –

                                           Jodne nhi bichhude viyukt kul jn se
                                           Fodne mujhe aayi ho Duryodhan se.

Kpti Duryodhan ka sath dene ke bavjud durchit krtigyta ki karm bhavna se prerit hone ke karn hi Karn ka vyktitv kinchit bhi malin nhi hota hai.

Dinkar Karn – charit ke uddhar ke madhyam se apne nye jeevan mulyo ki sthapna me kitna safal ho ske hai.

WriterRamdhari Singh Dinkar
Book LanguageHindi
Book Size12.86 MB
Total Pages194
CategoryLiterature

Due To Copyright Issue We had to remove this book 
Buy Hard Copy From Amazon  
Listen this book on Audible

  • About Writer

       Ramdhari Singh Dinkar ( 23 September 1908 – 24 April, 1974) ka janm Simriya, Munger, Bihar me hua tha. Unhone itihas, Darshanashastr aur Rajniti vigyan ki pdhayi Patna Vishvvidyalay se ki. Unhone Sanskrit, Bangla, English aur Urdu ka gehn adhyayan kiya tha. Vah ek pramukh lekhk, kavi aur nibndhkar the. Unki adhiktr rchanaye veer rs se otprot hai. Unhe pdm vibhushn ki upadhi se bhi alankrt kiya gya. Unki pustk ‘ Sanskrti ke char adhyay ‘ ke liye sahity akadmi purskar aur ‘ Urvashi ‘ ke liye Bharatiya gyanpith purskar prdan kiya gya.       

Leave a Reply